Што беларусу пабачыць у Чарнігаве?

Беларус Уладзіслаў Ахроменка адмыслова для фэсту Be Free склаў кароткі "Даведнік для беларуса ў Чарнігаве". Калі хочаце ведаць, дзе ў Чарнігаве ёсць беларускія мясціны і што яшчэ варта паглядзець нават у кароткай вандроўцы да суседзяў, - чытайце наш "Даведнік"!

Чытаць далей

Be Free - варыянты даезду з Менска

Еўрарадыё прапануе некалькі варыянтаў даезду на фэст Be Free:

Наўпрост -
Цягнік "Мінск-Кіеў" - адпраўленне ў 20.50, прыбыццё а 04.52. Кошт квітка ў плацкарце - 65 000

Або праз Гомель
Цягнік "Мінск-Кіеў" - адпраўленне ў 20.50, прыбыццё ў Гомель у 1.56
Цягнік "Мінск-Сімферопаль" - адпраўленне ў 22.08, прыбыццё ў Гомель у 03.04
Кошт плацкартнага квітка ў абодвух цягніках - 17 000 рублёў


У Гомелі давядзецца пачакаць пару гадзін і перасесці на адзіную электрычку, якая ідзе наўпрост да Чарнігава. Час яе адпраўлення – 06.23 раніцы. Кошт вандроўкі "Гомель - Чарнігаў" 20 тысяч беларускіх рублёў.

Таксама ёсць магчымасць паехаць на Be Free на аўтобусах, што ладзяць арганізатары:

Віталь Супрановіч: “Арганізатары будуць ладзіць аўтобусы для жадаючых паехаць на фэст. Калі вы жадаеце паехаць арганізавана на гэтых аўтобусах, вам трэба звязацца са Зміцерам Каспяровічам па тэлефоне +375 29 622 57 20(velсom). Выезд плануецца ў пятніцу 22-га ўвечары, у суботу-нядзелю адбудзецца фестываль, а назад людзі прыедуць раніцай у панядзелак”.

http://euroradio.fm/by/930/reports/36503/

Фэст Be Free - 2009: практычныя моманты

Грошы:

Уваход на ўсе канцэрты фэсту будзе бясплатным. Мы плануем браць невялічкую аплату за месца ў намётавым мястэчку, але яна не перавысіць 5 у.е. з чалавека за ўвесь час фестывалю.

Сярэдні курс даляра да грыўны зараз 7,8 грыўны за 1 даляр, еўра - 11 грыўнаў за еўра. Сярэдні кошт абеду ў папулярных сетках хуткага харчавання а-ля "Два Гуся" вагаецца ад 20 да 30 грыўнаў.

Для тых, хто едзе на машынах, ёсць магчымасць платнага паркінгу - каля 200 месцаў недалёка ад гатэля "Брянск".

Чытаць далей

Што значыць быць свабодным? Адказваюць зоркі Be Free

На пытаннe сайту festsvabody.org "што для вас значыць Be Free" адказалі Алег Скрыпка, Сяргей Міхалок, Слава Корань ды французскі гурт "Vladivostok".

Чытаць далей

Вызначаны папярэдні спіс гуртоў - удзельнікаў Be Free

Па стане на 29 ліпеня ў фестывалі Be Free прымуць удзел наступныя гурты:

22 жніўня, субота

Re1ikt
B:N
ZATOCZKA
Partyzone
Pomidor/OFF
Znich
Vladivostok (Францыя)
Ляпис Трубецкой

23 жніўня, нядзеля

Glofira
Tarpach
Hair Peace Salon
LitvinTroll
Imprudence
Zero-85 (Польшча)
ULIS
Воплi Вiдоплясова (Украіна)

Спіс будзе дапоўнены ў бліжэйшыя дні дадатковымі ўдзельнікамі фэсту з Украіны. Арганізатары пакідаюць сабой правы на змены ў праграме фэсту.

Абнавіліся банеры фэсту!

Вітаем! Пакуль мы фіналізуем дамовы з музыкамі і глядзім найноўшыя заяўкі, наш бяссменны дызайнер Zuker абнавіў банеры Фестывалю. Усе банеры знаходзяцца на старонцы "Пра Фэст" і мы звяртаемся да ўсіх, каму неабыякавы наш фэст, за дапамогай па іх распаўсюду.

Між тым мы рыхтуем мапы і практычную інфармацыю па тым, як найлепей будзе дабірацца да сцэны і намётавага мястэчка. У хуткім часе яна з'явіцца на гэтай старонцы. Заходзьце часцей! Калі ў вас ёсць свае правераныя маршруты на Чарнігаў (аўтобусы, маршруткі, самалёты, аўтаспын) і вы гатовыя імі падзяліцца з іншымі - калі ласка, дасылайце іх на fest.svabody@gmail.com або ў каментарах на ЖЖ http://fest_svabody.livejorunal.com

Be-Free 2009: 22-23 жніўня, Чарнігаў (Украіна)

Мясцовыя ўлады Чарнігава афіцыйна заявілі пра падтрымку фестывалю Be Free, які ўжо трэці раз пройдзе на ўкраінскай тэрыторыі. Фэст пройдзе на беразе Дзясны на пляцоўцы паміж Гарадскім паркам культуры і адпачынку і гатэльным комплексам "Брянск". Менавіта там на працягу двух дзён, 22 і 23 жніўня, будзе стаяць сцэна фестывалю, а для публікі будзе зарганізаванае намётавае мястэчка. Праграма фэсту дарабляецца, у бліжэйшы час будуць агучаныя імёны хэдлайнераў з беларускага і ўкраінскага боку. Хаця на фэст прыйшло болей за 40 заявак, мы ўсё яшчэ прымаем лісты ад гуртоў, якія хацелі б заграць на Be Free, заяўкі на скрыню fest.svabody@gmail.com - да 28 ліпеня.

Be Free - 2009: Фэст адбудзецца абавязкова, застаецца пытанне пра даты

Усім, хто непакоіцца і дасылае нам лісты на скрынку Фэсту, паведамляем: Be Free ў 2009м годзе адбудзецца АБАВЯЗКОВА. Заходзьце на наш сайт і сачыце за навінамі! Час правядзення фэсту - ДРУГАЯ ПАЛОВА ЖНІЎНЯ.

Be-Free 2009: ДРУГАЯ ПАЛОВА жніўня, Украіна

Вітаем усіх! Радыя паведаміць, што ўжо хутка прызначыцца фінальная дата і месца правядзення наступнага фэсту Be Free! На дадзены момант з найбольшай верагоднасцю фэст адбудзецца ў горадзе Чарнігаў, што блізка беларускай мяжы. Затрымка з "афіцыйным" абвяшчэннем выкліканая тым, што чакаем на апошнія падцверджанні ад гарадскіх уладаў і партнёраў на месцы. Сустрэнемся на Be Free, cачыце за навінамі!

Раздзел "Фота" дапоўніўся новымі здымкамі!

У нашай фотагалерэі - вашыя кадры з фестывалю і дасланыя нам украінскімі фатографамі прафесійныя здымкі фэсту. Знайдзі сябе на здымках і дашлі нам сваю гісторыю пра BeFree! Нагадваем, што пераможцы конкурсу "Рэпарцёры Be Free" атрымаюць у падарунак DVD з запісам другога дню рок-сцэны фэсту.